QR Ishki ister ministri Qalmuhanbet Qasymov qylmystyq-atqarý júiesinde qansha adam jumyspen qamtylǵanyn aityp berdi, dep habarlaidy "Ult aqparat".
«Kásibi bilimdi qamtamasyz etýmen qatar, jazasyn óteý merziminde barlyq eńbekke jaramdy adamdardyń jumys oryndarymen qamtylǵanyna múddelimiz. Mekeme tynys-tirshiliginiń osy jáne basqa da problemalarymen QAJ komitetine vedomstvolyq baǵynysty «Eńbek» RMK ainalysýda», - dedi ministr bas bostandyǵynan aiyrý oryndarynan bosatylǵan jáne probatsiia qyzmetinde esepte turǵan azamattardy áleýmettik ońaltýdyń 2017-2019 jyldarǵa arnalǵan keshendi strategiiasyn iske asyrý taqyrybyndaǵy Úkimet saǵatynda.
Onyń sózine qaraǵanda, qazirgi ýaqytta túzetý mekemeleriniń kásiporyndarynda metall men aǵash óńdeý, qurylys materialdary, tigin buiymdary men basqa da ónimderdi shyǵarý igerilgen. Birqatar mekemelerde aýyl sharýashylyǵy ónimderin óndirý retke keltirilgen kórinedi.
«Túzetý mekemeleri kásiporyndarynyń qyzmetine shaǵyn jáne orta biznes te tartylýda. Ótken jyldan beri 274 ShOB sýbektilerine senimgerlik basqarýǵa mekemelerdiń jumys istemei turǵan óndiristik alańdary berilip, osy jerlerde 3 myńnan astam jazasyn óteýshi eńbekpen qamtyldy. Qazirgi kezde qamaýda otyrǵan 34 adam jeke kásipkerlikpen ainalysý quqyǵyn paidalana otyryp, koloniiada jeke biznesin iske qosty. Jazaǵa kesilgenderdiń bir bóligi túzetý mekemelerine qyzmet kórsetý boiynsha sharýashylyq-turmystyq jumystarmen qamtylǵan. Búginde qylmystyq-atqarý júiesi boiynsha eńbekke qabiletti 68 paiyzdan astam sottalýshy eńbegi tólenetin jumysqa tartyldy. Bul óz kezeginde olarǵa túrli talap-aryzdar boiynsha tólem jasaýǵa múmkindik beredi, iaǵni shyǵynnyń ornyn toltyrý, alimentter, aiyppuldar, otbasyna kómek kórsetý sekildi máselelerin sheshýde», - dedi Qasymov.
