QR ishki ister ministri Qalmuhanbet Qasymov "Abý Dabi Plaza" mańynda bolǵan qaqtyǵystyń hronologiiasyn aityp berdi, - dep habarlaidy kaz.tengrinews.kz.
"Barlyǵy kúzetshi men sheteldik jumysshylar - Úndistan azamattary arasynda bolǵan jaǵdaidan bastaldy. Bastapqyda aitylǵan sebeptiń ras emes ekeni anyqtaldy. Jumysshylar kezekti aýysymnan shyǵyp, bir top bolyp basa-kóktep kirmek bolǵan. Sodan kúzetshi olarǵa eskertý jasaǵan, nátijesinde daý shyǵyp, Úndistan azamattary kúzetshini uryp-soqqan. Bul jerde tek kúzetshi zardap shekti. Sodan ol bul týraly basqa da kúzetshilerge aitady", - deidi Qasymov.
"Jumysshylar turǵyn úige kirip bara jatqanda kúzetshilerdiń biri Úndistannyń bir azamatyn uryp-soǵady. Sosyn sol jaqta Úndistannyń taǵy eki azamatyn uryp-soǵady. Mine, osydan tóbeles shyqty", - dedi ministr.
"Úndistannyń úsh azamaty soqqy kórgen soń jumysshylar keiin sheginip, kúzetshi otyrǵan jerge tas laqtyra bastaidy. Bul qaqtyǵys saǵat 19.30-da bastaldy. Biraq kúzettegiler bul týraly politsiiaǵa tek 20.05-te habarlaǵan. Oqiǵa ornyna jasaq barady. Tildi bilmei qalýy múmkin degen problema bolǵan joq. Aǵylshyn tilin biletin arnaiy top keldi. Sebebi sheteldik jumysshylardyń eshqaisysy bizdiń tildi bilmeidi. Sodan biz elshilikke habarlastyq. Elshiliktegilerge raqmet, olar bizge úlken kómek kórsetti. 25 minýtta-aq ózderiniń ókilderin jiberdi. Konsýl kelip, bizdiń kómektesti", - dedi ministr.
"Kóshede Úndistannyń taǵy eki azamatyn urǵan. Bul saǵat 20.10-da jáne 20.20-da boldy. Olardy keiinnen aýrýhanaǵa jetkizdi. Birazdan soń kóshede barlyǵy jinalyp qaldy. Biz olardy birden jaýapkershilikke tarta alatyn edik, biraq biz prokýratýraǵa olarmen sóilesýge múmkindik berdik. Qala prokýrory sóz sóiledi. Ákim de kelip sóilesti. Biraq sizder olardyń ózderin qalai ustaǵandaryn kórdińizder. Adamdar tipti kóbeiip ketti. 56 adamdy politsiia bólimshesine jetkizdik, olarmen sóilestik. Tártip buzǵandarǵa qatysty materialdar daiyndalyp, sotqa jiberildi. 8 adam ákimshilik jaýapkershilikke tartyldy: 15 táýlikke, 10 táýlikke jáne 5 táýlikke", - dedi IIM basshysy.
"Saǵat 21.45-te oqiǵa ornyn teksere bastadyq. Mine, bolǵan jaǵdai osy. Úsh qylmystyq is qozǵadyq, tergeý júrgizilip jatyr. Tergeý baqylaýda", - dedi ministr.
