- Elimizde bolý merzimin buzǵan sheteldikterge aiyppuldy sot sheshiminsiz shekarada tóleýlerine ruqsat berý qajet. Mundai usynysty búgin Úkimettiń selektorlyq rejimdegi otyrysynda QR Investitsiialar jáne damý ministri Jeńis Qasymbek jasady, dep habarlaidy Ult.kz tilshisi QazAqparat agenttigine silteme jasap.
«Aita ketetin bir jait, vizalyq rejim jetkilikti deńgeide yryqtandyryldy. Áriptesterimizdiń túsinistikpen qaraǵandary úshin alǵys aitamyz. 2017 jyldan bastap 55 elge vizasyz rejim engiziledi. Atalǵan elderdiń azamattary men investorlary Qazaqstanda 30 kúnge deiin tirkelmei-aq júre alady jáne kirer aldynda avtomatty túrde tirkeledi. Sonymen birge, investorlar úshin jumys vizasyn rásimdeý úderisin jeńildetý máselesi ózekti bolyp qalyp otyr»,- dep atap ótti ministr.
Osyǵan bailanysty Qasymbek Eýropa elderiniń tájiribesi boiynsha Syrtqy ister ministrligimen viza berý tártibin «aýtsorsingke» berý jáne elektrondyq viza engizý kelisimine qol jetkizilgenin atap ótti. Sonymen qatar onyń sózine qaraǵanda, jumys vizasyn alý úshin kelisim merzimi aitarlyqtai uzaq kúiinde qalyp otyr. Zań boiynsha bul 41 kúnge deiin, tájiribede 2 aptaǵa deiingi ýaqytta alady.
«Osyǵan bailanysty, áriptesterimizden ádettegi tájiribedegidei zańnamalyq merzimdi 14 kúnge deiin qysqartý múmkindigin qarastyrýdy suraǵymyz keledi. Osyndai ońtaily jaǵdailarmen qatar, migratsiialyq rejimdi buzǵan shetel azamattaryn qatań jazalaý týraly másele mańyzdy kúiinde qalyp otyr. Bul salanyń quqyqtyq qatynasyn laiyqty túrde dekriminalizatsiialaý kerek, dep esepteimiz. Iaǵni, shetel azamattarynyń elimizde bolý merzimin buzǵan jaǵdaida erikti túrde aiyppuldy sot sheshiminsiz shekarada tóleýlerine ruqsat berý qajet»,- dedi ol.
