Qazaqstan Prezident Qasym-Jomart Toqaevtyń tóraǵalyǵymen Joǵary eýraziialyq ekonomikalyq keńestiń kezekti otyrysy jumysyn bastady, dep habarlaidy "Ult aqparat".
Eýraziialyq ekonomikalyq odaqqa múshe elderdiń barlyǵynyń Prezidentteri onlain rejimde qatysyp otyrǵan is-shara barysynda odaqtyń ishki naryǵyndaǵy kedergilerdi joiý, osy ýaqytqa deiin atqarylǵan jumystardyń qorytyndysy, 2020 jylǵy halyqaralyq qyzmettiń negizgi baǵyttarynyń iske asyrylýy syndy máseleler qarastyrylmaq. Munan bólek, JEEK-ke qatysýshy elderdiń basshylary múshe memleketterdiń 2021-2022 jyldarǵa arnalǵan makroekonomikalyq saiasatynyń negizgi baǵdary, meditsinalyq maqsatta paidalanýǵa arnalǵan farmatsevtikalyq sýbstantsiialar men dári-dármek óndirisi salasyndaǵy yntymaqtastyq týraly máselelerdi qozǵaidy.
Otyrysta Joǵary eýraziialyq ekonomikalyq keńestiń Qurmetti tóraǵasy, Qazaqstannyń Tuńǵysh Prezidenti – Elbasy Nursultan Nazarbaev, Resei Federatsiiasynyń Prezidenti Vladimir Pýtin, Belarýs Respýblikasynyń Prezidenti Aleksandr Lýkashenko, Qyrǵyz Respýblikasynyń Prezidenti Sadyr Japarov, Armeniia Respýblikasy Premer-Ministriniń mindetin atqarýshy Nikol Pashinian, Eýraziialyq ekonomikalyq komissiia alqasynyń tóraǵasy Mihail Miasnikovich sóz sóileidi dep kútiledi.
Sondai-aq Kýba Respýblikasynyń Prezidenti Migel Dias-Kanel jáne Ózbekstan Respýblikasynyń Prezidenti Shavkat Mirziioev Joǵary eýraziialyq ekonomikalyq keńes janyndaǵy baqylaýshy-memleket basshylary retinde qatysýda.
Osyǵan deiin, Prezident Qasym-Jomart Toqaevtyń tóraǵalyǵymen Joǵary eýraziialyq ekonomikalyq keńestiń kezekti otyrysy ótetinin habarlaǵan bolatynbyz.
Jiyn «Habar24» telearnasy men QR Prezidenti Baspasóz qyzmetiniń Facebook áleýmettik jelisindegi paraqshasynan tikelei efirde kórsetiledi.
