Qazaqstan Prezidenti Qasym-Jomart Toqaevtyń Qytai Halyq Respýblikasyna memlekettik sapary bastaldy. Bul týraly Memleket basshysynyń baspasóz hatshysy Berik Ýáli málim etti, dep habarlaidy "Ult aqparat".
«Qazaqstan Prezidenti Qytai Halyq Respýblikasyna memlekettik saparmen keldi. Qasym-Jomart Toqaev Beijińde Qazaqstan-Qytai iskerlik keńesiniń 6-otyrysynyń ashylýyna qatysady jáne Qytai qoǵamdyq ǵylymdar akademiiasynda dáris oqýy josparlanǵan. Memleket basshysy QHR Tóraǵasy Si Tszinpinmen, QHR Memlekettik keńesiniń Premeri Li Ketsianmen jáne Qytaidyń birqatar saiasi jáne iskerlik toptarymen kelissóz ótkizedi», - dedi B.Ýáli.
Sondai-aq, Qazaqstan Prezidenti Qytaiǵa jasaǵan eki kúndik saparynyń aiasynda Hanchjoý qalasyna da baryp, innovatsiialyq ónimderdi álemdik naryqqa shyǵarý boiynsha kóshbasshy «Hikvision» kompaniiasynyń jumysymen tanysatyny kútilýde. Sonymen qatar baǵdarlama boiynsha «Alibaba» kompaniiasynyń keńsesine baryp, Djek Mamen kezdesýi josparlanǵan.
Qazaqstan Prezidentiniń 11-12 qyrkúiek aralyǵynda Qytaiǵa memlekettik sapary ótetini jóninde buǵan deiin habarlaǵan bolatynbyz.
