قازاقستان پرەزيدەنتٸ قاسىم-جومارت توقاەۆتىڭ قىتاي حالىق رەسپۋبليكاسىنا مەملەكەتتٸك ساپارى باستالدى. بۇل تۋرالى مەملەكەت باسشىسىنىڭ باسپاسٶز حاتشىسى بەرٸك ۋەلي مەلٸم ەتتٸ, دەپ حابارلايدى "ۇلت اقپارات".
«قازاقستان پرەزيدەنتٸ قىتاي حالىق رەسپۋبليكاسىنا مەملەكەتتٸك ساپارمەن كەلدٸ. قاسىم-جومارت توقاەۆ بەيجٸڭدە قازاقستان-قىتاي ٸسكەرلٸك كەڭەسٸنٸڭ 6-وتىرىسىنىڭ اشىلۋىنا قاتىسادى جەنە قىتاي قوعامدىق عىلىمدار اكادەميياسىندا دەرٸس وقۋى جوسپارلانعان. مەملەكەت باسشىسى قحر تٶراعاسى سي تسزينپينمەن, قحر مەملەكەتتٸك كەڭەسٸنٸڭ پرەمەرٸ لي كەتسيانمەن جەنە قىتايدىڭ بٸرقاتار ساياسي جەنە ٸسكەرلٸك توپتارىمەن كەلٸسسٶز ٶتكٸزەدٸ», - دەدٸ ب.ۋەلي.
سونداي-اق, قازاقستان پرەزيدەنتٸ قىتايعا جاساعان ەكٸ كٷندٸك ساپارىنىڭ اياسىندا حانچجوۋ قالاسىنا دا بارىپ, يننوۆاتسييالىق ٶنٸمدەردٸ ەلەمدٸك نارىققا شىعارۋ بويىنشا كٶشباسشى «Hikvision» كومپانيياسىنىڭ جۇمىسىمەن تانىساتىنى كٷتٸلۋدە. سونىمەن قاتار باعدارلاما بويىنشا «Alibaba» كومپانيياسىنىڭ كەڭسەسٸنە بارىپ, دجەك مامەن كەزدەسۋٸ جوسپارلانعان.
قازاقستان پرەزيدەنتٸنٸڭ 11-12 قىركٷيەك ارالىعىندا قىتايعا مەملەكەتتٸك ساپارى ٶتەتٸنٸ جٶنٸندە بۇعان دەيٸن حابارلاعان بولاتىنبىز.
