Analar qoǵam aldynda óz jaýapkershiligin tereń sezinýi kerek. Bul týraly Qazaqstan halqy Assambleiasynyń keńeitilgen otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Shyn máninde ana degenimiz - otbasynyń uiytqysy, ananyń orny erekshe. Ony bárimiz de bilemiz. Sondyqtan biz qoǵamda anaǵa degen qurmetti óte joǵary qoiýymyz kerek. Sonymen qatar analar da qoǵam aldynda óz jaýapkershiligin tereń sezinýi kerek. Keibir kópbalaly analarymyz zańsyz erýlerge shyǵyp, aiqai-shý kóterip, qoǵamdyq tártipti buzyp otyr», - dedi Memleket basshysy.
QR Prezidenti masyldyqty - ózekti qoǵamdyq, tipti saiasi problema dep ataýǵa bolatyndyǵyn basa aitty.
«Biz «Beibit jinalystar týraly» óte jaqsy zań qabyldadyq. Kim ne aitsa da, bul - demokratiiany damytý jolyndaǵy mańyzdy qadam. Beibit jinalystar men demonstratsiialarǵa eshkim de kedergi keltirmeidi. Onda bári jazylǵan. Resmi ruqsat alý qajet. Bul jinalystar, demonstratsiialar habarlandyrý rejiminde de ótkizile alady. Biraq, osynaý bolmashy talapty keibir azamattar buzýǵa bolady dep esepteidi. Osy tektes áreketterge quqyqtyq baǵa beriledi. Bas prokýrtýranyń mindeti - azamattarymyzǵa osy zańdy túsindirýdi jalǵastyrý, al barlyq quqyq qorǵaý organdarynyń mindeti qoǵamdyq tártipti, zańnamamyzǵa sáikes qoldaý», - dedi Qasym-Jomart Toqaev.
