انالار قوعام الدىندا ٶز جاۋاپكەرشٸلٸگٸن تەرەڭ سەزٸنۋٸ كەرەك. بۇل تۋرالى قازاقستان حالقى اسسامبلەياسىنىڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«شىن مەنٸندە انا دەگەنٸمٸز - وتباسىنىڭ ۇيىتقىسى, انانىڭ ورنى ەرەكشە. ونى بەرٸمٸز دە بٸلەمٸز. سوندىقتان بٸز قوعامدا اناعا دەگەن قۇرمەتتٸ ٶتە جوعارى قويۋىمىز كەرەك. سونىمەن قاتار انالار دا قوعام الدىندا ٶز جاۋاپكەرشٸلٸگٸن تەرەڭ سەزٸنۋٸ كەرەك. كەيبٸر كٶپبالالى انالارىمىز زاڭسىز ەرۋلەرگە شىعىپ, ايقاي-شۋ كٶتەرٸپ, قوعامدىق تەرتٸپتٸ بۇزىپ وتىر», - دەدٸ مەملەكەت باسشىسى.
قر پرەزيدەنتٸ ماسىلدىقتى - ٶزەكتٸ قوعامدىق, تٸپتٸ ساياسي پروبلەما دەپ اتاۋعا بولاتىندىعىن باسا ايتتى.
«بٸز «بەيبٸت جينالىستار تۋرالى» ٶتە جاقسى زاڭ قابىلدادىق. كٸم نە ايتسا دا, بۇل - دەموكراتييانى دامىتۋ جولىنداعى ماڭىزدى قادام. بەيبٸت جينالىستار مەن دەمونستراتسييالارعا ەشكٸم دە كەدەرگٸ كەلتٸرمەيدٸ. وندا بەرٸ جازىلعان. رەسمي رۇقسات الۋ قاجەت. بۇل جينالىستار, دەمونستراتسييالار حابارلاندىرۋ رەجيمٸندە دە ٶتكٸزٸلە الادى. بٸراق, وسىناۋ بولماشى تالاپتى كەيبٸر ازاماتتار بۇزۋعا بولادى دەپ ەسەپتەيدٸ. وسى تەكتەس ەرەكەتتەرگە قۇقىقتىق باعا بەرٸلەدٸ. باس پروكۋرتۋرانىڭ مٸندەتٸ - ازاماتتارىمىزعا وسى زاڭدى تٷسٸندٸرۋدٸ جالعاستىرۋ, ال بارلىق قۇقىق قورعاۋ ورگاندارىنىڭ مٸندەتٸ قوعامدىق تەرتٸپتٸ, زاڭنامامىزعا سەيكەس قولداۋ», - دەدٸ قاسىم-جومارت توقاەۆ.
