Foto: Aqorda
Ankarada ótken resmi sapar aiasynda Qazaqstan Prezidenti Qasym-Jomart Toqaev Túrkiia Respýblikasynyń eń joǵary memlekettik nagradasy – «Devlet Nişani» ordenimen marapattaldy, dep habarlaidy Ult.kz.
Nagradany Túrkiia Prezidenti Rejep Taiip Erdoǵan tabystady. Memleket basshysy bul marapatty jeke ózine emes, búkil qazaq halqyna kórsetilgen erekshe qurmet dep atap ótti.
– Bul – qazaq-túrik yntymaqtastyǵy jylnamasyndaǵy maǵynasy tereń tarihi oqiǵa. Tamyry bir, dini men dili ortaq halyqtarymyz arasyndaǵy myzǵymas dostyqtyń aiqyn belgisi, – dedi Qasym-Jomart Toqaev.
Sondai-aq Prezident Erdoǵandy álemdik deńgeidegi kóregen, óńirlik jáne jahandyq turaqtylyq pen qaýipsizdikke úles qosyp otyrǵan tarihi tulǵa retinde atap ótti. Ol Túrkiianyń jetistikterin Erdoǵannyń basshylyǵymen tikelei bailanystyrdy.
– Túrkiianyń álemdegi bedeli Sizdiń esimińizben tyǵyz bailanysty. Elińiz jańa altyn dáýirge aiaq basýda, – dedi Toqaev.
Aita keteiik, Túrkiia – Qazaqstannyń Táýelsizdigin alǵash moiyndaǵan memleketterdiń biri. Bul baýyrlas elder arasyndaǵy tarihi jáne rýhani bailanystyń beriktigin kórsetedi.
