Prezidentikke úmitker Qasym-Jomart Toqaev respýblikalyq shtabynyń ókilderi Aqtóbede birqatar kezdesýler ótkizdi. Bul jóninde shtabtyń baspasóz qyzmeti habarlady.
Ózin-ózin jumyspen qamtyǵan aqtóbeliktermen kezdesýde prezidenttikke kandidat Qasym-Jomart Toqaevtyń sailaýaldy baǵdarlamasyndaǵy jumyspen qamtý máselesi sóz boldy.
Sonyń biri - «Altai» saýda ortalyǵynda bolǵan júzdesý. Oǵan 120-dan astam saýdager, kásipker men ózin-ózi jumyspen qamtyǵan azamattar qatysty.
Jinalǵandar aldynda sóz sóilegen prezidenttikke úmitker Qasym-Jomart Toqaevtyń senimdi ókili Nurlybek Júsipov kandidattyń sailaýaldy baǵdarlamasynyń jumyspen qamtý jáne jańa jumys oryndaryn ashýǵa qatysty keibir tarmaqtaryn egjei-tegjeili túsindirdi.
Sondai-aq, kandidat Qasym-Jomart Toqaevtyń senim bildirgen ókilderi Aqtóbede 100-den astam múmkindigi shekteýli janmen kezdesti.
Prezidenttikke kandidat Qasym-Jomart Toqaevtyń senimdi ókili Eleýsin Saǵyndyqov kandidattyń sailaýaldy baǵdarlamasyn jan-jaqty túsindirip, onyń kásibi sheberligin, biliktiligin kórsetetin ómiriniń keibir tustaryn áńgimeledi.
Sonymen qatar, shtab ókilderi «Úzdik sheshim» eńbek ujymymen kezdesip, sailaýaldy baǵdarlamany tanystyrdy. Seriktestik qyzmetkerlerine tuǵyrnamanyń mańyzdy baǵyttarynyń biri - az qamtylǵan otbasylarǵa qoldaý kórsetý ekeni aityldy.
