Qazaqstan Prezidenti Qasym-Jomart Toqaev memleket jáne qoǵam qairatkeri, bilim berý isiniń qurmetti qyzmetkeri Shámshá Kópbaiqyzy Berkimbaevanyń dúnieden ótýine bailanysty kóńil aitty, - dep habarlaidy "Ult aqparat" BORT №1 Telegram kanalyna silteme jasap.
"Shámshá Kópbaiqyzy eńbek jolyn qatardaǵy ustazdyqtan bastap, óziniń iskerligi men qabiletiniń arqasynda memlekettik qyzmettiń san túrli salasynda abyroimen eńbek etti. Ministr kezinde bilim men ǵylym kóshin alǵa jyljytyp, básekege qabiletti qoǵam qalyptastyrýda mol úles qosty. Depýtat bolǵan tusta otandyq zańnamany jetildirýge atsalysty. Qazaq memlekettik qyzdar pedagogikalyq institýtynyń rektorlyq qyzmetin atqarǵan jyldary talai shákirt tárbielep, daryndy mamandarǵa baǵdar kórsete bildi", - dep jazylǵan Memleket basshysynyń jedelhatynda.
Prezident keń peiilimen ainala-tóńireginiń shynaiy qurmetine bólengen Shámshá Kópbaiqyzynyń jarqyn beinesi umytylmaitynyn atap ótken.
