قازاقستان پرەزيدەنتٸ قاسىم-جومارت توقاەۆ مەملەكەت جەنە قوعام قايراتكەرٸ, بٸلٸم بەرۋ ٸسٸنٸڭ قۇرمەتتٸ قىزمەتكەرٸ شەمشە كٶپبايقىزى بەركٸمباەۆانىڭ دٷنيەدەن ٶتۋٸنە بايلانىستى كٶڭٸل ايتتى, - دەپ حابارلايدى "ۇلت اقپارات" بورت №1 Telegram كانالىنا سٸلتەمە جاساپ.
"شەمشە كٶپبايقىزى ەڭبەك جولىن قاتارداعى ۇستازدىقتان باستاپ, ٶزٸنٸڭ ٸسكەرلٸگٸ مەن قابٸلەتٸنٸڭ ارقاسىندا مەملەكەتتٸك قىزمەتتٸڭ سان تٷرلٸ سالاسىندا ابىرويمەن ەڭبەك ەتتٸ. مينيستر كەزٸندە بٸلٸم مەن عىلىم كٶشٸن العا جىلجىتىپ, بەسەكەگە قابٸلەتتٸ قوعام قالىپتاستىرۋدا مول ٷلەس قوستى. دەپۋتات بولعان تۇستا وتاندىق زاڭنامانى جەتٸلدٸرۋگە اتسالىستى. قازاق مەملەكەتتٸك قىزدار پەداگوگيكالىق ينستيتۋتىنىڭ رەكتورلىق قىزمەتٸن اتقارعان جىلدارى تالاي شەكٸرت تەربيەلەپ, دارىندى ماماندارعا باعدار كٶرسەتە بٸلدٸ", - دەپ جازىلعان مەملەكەت باسشىسىنىڭ جەدەلحاتىندا.
پرەزيدەنت كەڭ پەيٸلٸمەن اينالا-تٶڭٸرەگٸنٸڭ شىنايى قۇرمەتٸنە بٶلەنگەن شەمشە كٶپبايقىزىنىڭ جارقىن بەينەسٸ ۇمىتىلمايتىنىن اتاپ ٶتكەن.
