Akorda
Qasym-Jomart Toqaev Serbiia prezidenti Aleksandr Výchichke kóńil aitý jedelhatyn joldady, dep habarlaidy «Ult aqparat» Aqordanyń baspasóz qyzmetine silteme jasap.
Memleket basshysy Novi-Sad qalasyndaǵy temirjol vokzalynda bolǵan qaiǵyly oqiǵa saldarynan kóptegen adamnyń qaza tabýyna bailanysty Serbiia Prezidenti Aleksandr Výchichke kóńil aitty.
– Osyndai aýyr sátte dostas Serbiia halqynyń qaiǵy-qasiretine ortaqtasyp, barsha qazaqstandyqtardyń jáne jeke óz atymnan Sizge, jaqyndarynan aiyrylǵan otbasylarǵa qaiǵyra kóńil aitamyn. Oqys oqiǵada baqilyq bolǵandardyń týystaryna sabyr, al zardap shekken jandardyń tez arada saýyǵyp ketýin tileimin, – dep jazylǵan jedelhatta.
