Foto: Aqorda
Qasym-Jomart Toqaev pen Shavkat Mirziioev Túrkistanda boi kótergen jańa meshitti aralady. Bul nysan Qazaqstan men Ózbekstan arasyndaǵy rýhani bailanys pen baýyrlastyqtyń simvoly retinde baǵalanyp otyr, dep habarlady Aqorda.
Meshittiń ortalyq zalynda Quran oqylyp, qonaqtarǵa ǵimarattyń erekshelikteri tanystyryldy. Qulshylyq úii Ózbekstan prezidentiniń Túrkistan jurtshylyǵy men qazaqstandyqtarǵa jasaǵan tartýy retinde salynǵan.
Sáýletinde dástúrli islam naqyshtary men zamanaýi tehnologiialar úilesim tapqan. Ǵimarattyń qasbeti men ishki keńistigi ulttyq oiý-órnek jáne kalligrafiiamen bezendirilgen. Munaralarynyń biiktigi 61 metrge jetedi.
Meshit zamanaýi injenerlik júielermen jabdyqtalǵan. Aýmaǵynda demalys aimaqtary, sýburqaqtar men jaryqtandyrý infraqurylymy qarastyrylǵan.
Aita keteiik, memleket basshysy Túrkistanǵa Túrki memleketteri uiymynyń beiresmi sammitine qatysý úshin barǵan. Buǵan deiin qalaǵa Ózbekstan men Qyrǵyzstan prezidentteri de kelgeni habarlanǵan.
