Qasym-Jomart Toqaev pen Aleksandr Lýkashenko keńeitilgen quramda kelissózder júrgizdi, dep habarlaidy "Ult aqparat" Aqordaǵa silteme jasap.
Taraptar kún tártibindegi eki jaqty aýqymdy máselelerdi talqylady. Negizgi áńgime saýda-ekonomikalyq áriptestikti keńeitý baǵytynda órbidi. Sonymen qatar memleketter basshylary saiasi, mádeni-gýmanitarlyq salalar men halyqaralyq qurylymdar aiasyndaǵy ózara is-qimyldardy qarastyrdy.
Belarýs delegatsiiasyna iltipat bildirgen Qazaqstan Prezidenti eki eldi dostyq pen yntymaqtastyqtyń dástúrli arqaýy bailanystyratynyn aitty. Qasym-Jomart Toqaev Aleksandr Lýkashenkonyń sapary ózara yntymaqtastyq máselelerin egjei-tegjeili talqylaýǵa jaqsy múmkindik ekenin atap ótti.
– Biz elderimiz arasyndaǵy saýda-sattyq kólemin ulǵaitýǵa, gýmanitarlyq saladaǵy bailanystardy nyǵaitýǵa, halyqaralyq uiymdar aiasyndaǵy yqpaldastyqty belsendi túrde jalǵastyrýǵa múddelimiz, – dedi Memleket basshysy.
Qazaqstan Prezidenti kelissózder qorytyndysy boiynsha qol qoiylǵan qujattar eki memleket arasyndaǵy yntymaqtastyqty tereńdetý úshin jasalǵan mańyzdy qadam sanalatynyn jetkizdi.
Aleksandr Lýkashenko belarýs-qazaq qatynastarynyń deńgeii eki eldiń strategiialyq múddelerine tolyq sai keletinin aitty.
– Bul – bolashaqqa mańyzdy josparlar jasaýǵa múmkindik beretin uzaq jyldar boiǵy tynymsyz eńbektiń nátijesi. Minski men Nur-Sultan arasynda barlyq deńgeidegi yqpaldastyqtyń oń tájiribesi qalyptasqan, – dedi Belarýs Prezidenti.
Saýda-ekonomikalyq bailanystarǵa toqtalǵan Aleksandr Lýkashenko Qazaqstandy negizgi saýda seriktesi sanaitynyn aitty. Ol sońǵy úsh jylda eki eldiń ózara taýar ainalymy eki esege artyp, 1 milliard dollarǵa jýyqtaǵanyn mysalǵa keltirdi. Budan bólek Qazaqstannyń Belarýs Respýblikasyna shyǵaratyn importy 45 paiyzǵa óskenin málim etti.
Kelissózder qorytyndysy boiynsha Qasym-Jomart Toqaev pen Aleksandr Lýkashenko eki jaqty yntymaqtastyqty jańa deńgeige kóterip, ózara seriktestikti odan ári jandandyratyn jáne halyqaralyq arenadaǵy is-áreketterdi úilestiretin Birlesken málimdemege qol qoidy.
***
Sondai-aq mynadai qujattarǵa qol qoiyldy:
- Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly Kelisim.
- Qazaqstan Respýblikasynyń Bas prokýratýrasy men Belarýs Respýblikasynyń Tergeý komiteti arasyndaǵy yntymaqtastyq týraly Kelisim.
- Qazaqstan Respýblikasy ulttyq qaýipsizdik Komiteti jáne Belarýs Respýblikasynyń Prezidenti janyndaǵy Jedel-taldaý ortalyǵy arasyndaǵy jedel-tehnikalyq saladaǵy yntymaqtastyq jáne ózara is-qimyl jasaý týraly Kelisim.
- Qazaqstan Respýblikasy men Belarýs Respýblikasynyń Syrtqy ister ministrlikteri arasyndaǵy 2020-2021 jyldarǵa arnalǵan yntymaqtastyq Jospary.
- Qazaqstan Respýblikasynyń Ádilet ministrligi men Belarýs Respýblikasynyń Memlekettik múlik komiteti arasyndaǵy jyljymaityn múlikti memlekettik tirkeý máseleleri boiynsha Kelisim.
- Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi men Belarýs Respýblikasynyń Ulttyq ǵylym akademiiasy arasyndaǵy Jerdi qashyqtyqtan zondtaý derekterimen almasý salasyndaǵy yntymaqtastyq týraly Kelisim.
