Qazaqstan Prezidenti Qasym-Jomart Toqaev opera ánshisi, Qazaqstannyń eńbek sińirgen ártisi Shahimardan Ábilovtiń 70 jasqa tolǵan mereitoiyna orai, quttyqtaý hatyn joldady, dep habarlaidy "Ult aqparat" Memleket basshysynyń baspasóz hatshysy Berik Ýálige silteme jasap.
«Siz álemdik jáne otandyq klassikterdiń shyǵarmalaryn ózińizge tán sheberlikpen oryndap, óner jolyndaǵy biik belesterdi baǵyndyryp, jurtshylyqtyń ystyq yqylasy men shynaiy qurmetine bólenip kele jatqan shyǵarmashylyq iesisiz.
Opera ánshisi retinde ózińizdiń dara daýysyńyz ben oryndaýshylyq sheberligińiz arqyly uly Abaidyń án murasynyń tereń iirimderin ónersúier qaýymǵa jetkizdińiz. Ulaǵatty ustaz retinde jastardyń qabilet kózin ashyp, biikterge samǵaýyna qosqan úlesińiz de óz aldyna bir tóbe», – dep Memleket basshysy quttyqtaý hatynda atap ótti.
Sońynda Qasym-Jomart Toqaev mereitoi iesine zor densaýlyq, uzaq ta baqytty ǵumyr, sondai-aq, otbasyna amandyq pen igilikter tilep, alǵysyn joldady.
