Qazaqstan Prezidenti – Qarýly Kúshterdiń Joǵarǵy Bas qolbasshysyna Qazaqstan armiiasynyń shtattyq qurylymyn ońtailandyrý maqsatynda júrgizilip jatqan jumystar, qarý-jaraqtardy, áskeri tehnika men oq-dárilerdi inventarizatsiialaý jáne tekserý, koronavirýs indetiniń taralýyna qarsy kúres, sondai-aq, júzege asyrylyp jatqan iri infraqurylymdyq jobalar týraly baiandaldy.
Bul týraly Aqordanyń baspasóz qyzmeti habarlady.
Qorǵanys ministri Memleket basshysyna qazirgi ýaqyttaǵy syn-qaterlerdi eskere otyryp, Qarýly Kúshterdiń jańa kelbetin qalyptastyrý, túrli tabiǵi jáne tehnogendik tótenshe jaǵdailardy joiý kezinde áskeri qyzmetshilerdi jumyldyrý múmkindigi men qajettigi jaiynda málimet berdi.
Sonymen qatar Qasym-Jomart Toqaev Nurlan Ermekbaevtyń áskeri bólimshelerdiń daiyndyǵy, memlekettik qorǵanys salasyndaǵy tapsyrys máseleleri, biýdjet múmkindikterin eskere otyryp, áskeri tehnikamen jabdyqtaý, Qorǵanys ministrligin avtomattandyrý jáne tsifrlandyrý jónindegi esebin tyńdady.
Joǵarǵy Bas qolbasshy elimizdiń qorǵanys qabiletin kúsheitýdi, Qarýly Kúshterdiń jabdyqtalýyn jaqsartýdy, shyǵyndardy ońtailandyrýdy, áskeri qyzmetshilerdiń bilim deńgeiin kóterip, biliktiligin arttyrý múmkindikterin pysyqtaýdy tapsyrdy.
