Foto: Aqorda
Bul týraly Prezident Mońǵoliia Prezidentimen keńeitilgen quramda kelissóz júrgizý barysynda aitty. Qasym-Jomart Toqaev pen Ýhnaagiin Hýrelsýh eki el delegatsiia músheleriniń qatysýymen keńeitilgen quramda kelissóz ótkizdi, dep habarlaidy Ult.kz.
Memleket basshysy mádeni-gýmanitarlyq bailanysty nyǵaitýdyń mán-mańyzyna toqtalyp, Astanada ótken Dúniejúzilik kóshpendiler oiyndaryna qatysqany úshin mońǵol sportshylaryna alǵys aitty.
Qasym-Jomart Toqaev Qazaqstan mońǵol stýdentteri úshin kvota sanyn ulǵaitýǵa daiyn ekenin málimdedi. Sondai-aq eki el ǵalymdaryn ortaq bai tarihi muramyzdy birlese zertteýge shaqyrdy.
Prezident ekologiialyq, tarihi, etnografiialyq jáne ekonomikalyq týrizm baǵyttarynda birlese jumys isteýge mol múmkindik bar ekenin atap ótti.
"Qazaqstandyq týroperatorlar mońǵol týristerine Qoja Ahmet Iasaýi kesenesi ornalasqan ejelgi Túrkistan qalasyn tanystyra alady. Shyńǵys hannyń úlken uly Joshy hannyń mazary turǵan Ulytaý oblysyn jáne basqa da týristik oryndardy kórsetýge bolady. Sondai-aq biz Mońǵoliiamen Altai týrizm klasterin damytýǵa jáne ortaq týristik baǵyttardy qalyptastyrýǵa múddelimiz", – dedi Memleket basshysy.
Qasym-Jomart Toqaev Mońǵoliia Prezidentin kelesi jyly Qazaqstanǵa memlekettik saparmen kelýge shaqyrdy.
