Qasym-Jomart Toqaev Qyrǵyzstanǵa memlekettik saparmen barady. Bul týraly búgin QR Prezidentiniń baspasóz hatshysy Berik Ýáli facebook-tegi paraqshasynda jazdy.
27 qarashada Qazaqstan Prezidenti Qasym-Jomart Toqaev Qyrǵyzstan Prezidenti Sooronbai Jeenbekovtiń shaqyrýymen Qyrǵyzstanǵa memlekettik saparmen barady. Kelissózder barysynda eki el basshylary Qazaqstan men Qyrǵyzstan arasyndaǵy strategiialyq seriktestiktiń qazirgi ahýaly men perspektivalaryn talqylaidy jáne kezdesý qorytyndysy boiynsha birqatar ekijaqty qujattarǵa qol qoiady dep josparlanýda.
28 qarashada Memleket basshysy Bishkek qalasynda ótetin Ujymdyq qaýipsizdik shart uiymy (UQShU) Qaýipsizdik keńesiniń sessiiasyna qatysady. Is-sharalardyń kún tártibinde Uiym jumysy aiasyndaǵy ózara is-qimyldarǵa qatysty kóptegen máseleler qarastyrylyp, UQShU-nyń biyl atqarǵan jumystary boiynsha basym baǵyttardyń júzege asyrylýy qorytyndylanady dep josparlanǵan.
