Búgin Qyrǵyzstan Prezidenti Sooronbai Jeenbekovpen kelissózder barysynda mańyzdy máseleler talqylandy, – dep habarlaidy «Ult aqparat».
Bishkekte Qazaqstan Respýblikasy men Qyrǵyz Respýblikasy Joǵary memleketaralyq keńesiniń otyrysynda Memleket basshysy Qasym-Jomart Toqaev baýyrlas qyrǵyz jerinde ystyq yqylaspen qarsy alyp, jyly qonaqjailylyq kórsetkeni úshin alǵys aitty.
«Sizdiń qyrǵyz eline memlekettik saparmen kelýge shaqyrýyńyzdy zor rizashylyqpen qabyl aldym. Bul sońǵy jarty jyldaǵy bizdiń úshinshi kelissózderimiz. Osyndai tyǵyz jumystyń nátijesine keń aýqymdy baǵyttar boiynsha ekijaqty bailanystardyń jandanýy – elderimizdiń jaqyndasýyna jáne halyqtarymyzdyń ál-aýqatyn jaqsartýǵa oń yqpal eterine kámil senemin. Osyǵan deiin shaǵyn quramda biz mańyzdy máselelerdi talqylap, birqatar kelisimderge qol jetkizdik» QR Prezidenti.
Jasalǵan kelisimderdiń eki el úshin de paidasy zor ekenin aita kele, «Qazir ótip jatqan Joǵary memleketaralyq keńesti memleketterimiz arasyndaǵy strategiialyq seriktestikti odan ári nyǵaitýdyń taǵy bir tamasha múmkindigi dep bilemin» dedi Memleket basshysy.
