Qoǵam ókilderiniń belsene atsalysýy jáne aldyn alý sharalary sybailas jemqorlyqqa qarsy kúrestiń basty quraldaryna ainalýy kerek.
Bul týraly búgin Sybailas jemqorlyqqa qarsy is-qimyl jónindegi keńeste sóilegen sózinde Memleket basshysy Qasym-Jomart Toqaev aitty, dep habarlaidy "Ult aqparat".
«Qazirgi tańda meniń tapsyrmam boiynsha «Qoǵamdyq baqylaý týraly» zań daiyndalyp jatyr. Bul qujat memlekettik organdardyń qoǵam aldyndaǵy ashyqtyǵy men eseptiligin qamtamasyz etýdi kózdeidi. Sondai-aq, belsendi azamattarǵa quqyqtyq baqylaý quraldaryn beredi. Osy zań jobasynyń áleýetin barynsha paidalanyp, qoǵamdy jemqorlyqpen kúresýge keńinen tartý qajet», - dedi Prezident.
Aita keteiik, keńes barysynda Alik Shpekbaev QR Sybailas jemqorlyqqa qarsy is-qimyl agenttiginiń tóraǵasy qyzmetinen bosatylyp, atalmysh laýazymǵa Marat Ahmetjanov taǵaiyndaldy.
