Memleket basshysy Qasym-Jomart Toqaev Naýryz meiramyna orai Qazaqstan halqyna quttyqtaý joldady. Bul týraly Aqordanyń baspasóz qyzmeti habarlaidy. Endeshe, Ult portaly oqyrman nazaryna quttyqtaý mátinin usynady.
***
Qurmetti qazaqstandyqtar!
Barshańyzdy Naýryz meiramymen shyn júrekten quttyqtaimyn!
Bárimizdi qýanysh pen súiispenshilik sezimine bóleitin bul mereke – beibitshilik pen jaqsylyqtyń nyshany. Onyń filosofiialyq máni zor jáne búkilálemdik mádeni sipaty bar.
Kóne zamannan bastaý alatyn osynaý meiram jańarý men jańa ómirdiń bastalý sátin sipattaidy.
Naýryz – rýhani bai muramyzdyń, biregei ulttyq kodymyz ben úzdiksiz urpaq sabaqtastyǵynyń jarqyn simvoly.
Bul mereke ómirimizge jasampazdyq pen damýdyń jańa lebin ákeledi.
Búginde Naýryz – ortaq shańyraǵymyz – Qazaqstan Respýblikasyndaǵy dostyqty, ózara qurmet pen kelisimdi nyǵaitýǵa septigin tigizetin shyn mánindegi jalpyhalyqtyq meiram.
Onyń máńgilik máni – eń joǵary qundylyǵymyz ben ortaq bailyǵymyzdy – halyqtyń yntymaǵyn bekemdeý.
«Birlik bar jerde, tirlik bar» deidi halyq danalyǵy.
Áz-Naýryz ár otbasyna baq-bereke ákelsin!
.jpeg)