Qazaqstandyq barlyq internet-resýrstardyń qoljetimdiligi tegin bolý tiis. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy "Ult aqparat".
«Karantin engizilýine bailanysty biz halyqty úilerinde bolýǵa shaqyrdyq. Qashyqtan jumys isteý adamdardy mobildi tehnologiialardy barynsha belsendi paidalanýyna túrtki bolady. Osyǵan balanysty tótenshe jaǵdai rejimi qoldanystaǵy kezeńde mobildi bailanysty pen internet qoljetimdiligin ásirese, bilim berý resýrstaryna, áleýmettik jeliler men messendjerlerge keńeitýdi tapsyramyn», - dedi Qazaqstan Prezidenti.
Memleket basshysy tótenshe jaǵdai rejimi kezinde qaryz paida bolǵan kezdiń ózinde bailanys qyzmetterin usyný jalǵasa berýi kerektigin basa aitty.
«Qazaqstandyq barlyq internet-resýrstardyń qoljetimdiligi tegin bolý tiis. Buǵan deiin men karantin kezeńinde halyqqa kommýnaldyq qyzmetter tólemin tómendetý boiynsha tapsyrma bergen edim. Almaty jedel áreket etip, tiisinshe sheshim qabyldady. Endi Memlekettik komissiia jalpyrespýblikalyq júieli sharalar ázirleýi qajet. Tolyqtai alǵanda, Qazaqstan halqy bizden osynaý sharalardy kútip otyr. Búgin azamattarǵa meniń tapsyrmalarymdy tanystyrýǵa jáne olardy júzege asyrýǵa shuǵyl kirisýge tapyramyn», - dedi Qasym-Jomart Toqaev.
