Foto: Aqorda
Memleket basshysy Qasym-Jomart Toqaev Qasym-Jomart Toqaev ekinshi «Ortalyq Aziia – Resei» sammitinde sóilegen sózinde energetika salasyndaǵy halyqaralyq yntymaqtastyqtyń mańyzyn atap ótip, óńirlik deńgeide jańa bastama usyndy, dep habarlaidy Ult.kz.
Gaz salasyndaǵy seriktestik
Prezident Resei, Qazaqstan jáne Ózbekstan arasyndaǵy úshjaqty gaz odaǵynyń arqasynda Ortalyq Aziiada jańa energetikalyq júie qalyptasyp jatqanyn aitty. Bul júie halyqty jáne ónerkásipti turaqty túrde gazben qamtamasyz etýge múmkindik beredi.
Sondai-aq, Qasym-Jomart Toqaev Kaspii qubyry konsortsiýmynyń (KQK) mańyzyn erekshe atap ótti. 2023 jyly osy baǵyt arqyly shamamen 63 mln tonna qazaqstandyq munai eksporttalǵan.
Prezident Resei munaiyn Qytaiǵa tasymaldaýda Qazaqstannyń mańyzdy ról atqaratynyn aitty. Jylyna 10 mln tonnaǵa deiin munai ótkizýge múmkindik bar, al byltyr bul kórsetkish odan da joǵary boldy.
Buǵan qosa, birneshe kún buryn Sankt-Peterborda Qazaqstan men Resei gaz salasyndaǵy yntymaqtastyq jóninde mańyzdy kelisimge qol qoiǵany habarlandy.
Atom energetikasy – strategiialyq baǵyt
Sońǵy jyldary Reseimen atom energetikasy salasyndaǵy bailanys nyǵaiyp keledi. «Rosatomnyń» qatysýymen Qazaqstanda alǵashqy atom elektr stantsiiasyn salý eki el arasyndaǵy strategiialyq áriptestikti jańa deńgeige kóteredi.
Jańa bastama – óńirlik keńes qurý
Prezident atom ónerkásibindegi yntymaqtastyqty tereńdetý úshin mańyzdy usynys jasady:
«Qazaqstanda Iadrolyq otyn tsikli jáne radioaktivti qaldyqtarmen jumys isteý salasyndaǵy óńirlik quzyretti keńes qurýdy usynamyz», – dedi Memleket basshysy.
Bul bastama ǵylymi-zertteý bazasyn kúsheitýge, bilikti kadr daiarlaýǵa jáne birqatar janama salany damytýǵa múmkindik beredi.
Almatyda MIFI Ulttyq zertteý iadrolyq ýniversitetiniń filialy ashylyp, alǵashqy naqty qadam jasaldy. Eki eldiń ǵylymi-zertteý institýttaryn tartý arqyly bul baǵyttaǵy jumysty jalǵastyrý josparlanyp otyr.
