Senat tóraǵasy Qasym-Jomart Toqaev memleket ataýyn ózgertýge negiz joq ekenin málimdedi, dep habarlaidy "Ult aqparat".
Osy ýaqytqa deiin májilis depýtaty Azat Perýashev Qazaqstan Respýblikasynyń ataýyn Qazaq Respýblikasy dep ózgertýdi usynǵan bolatyn. Májilismenniń aitýynsha, bul ideologiia turǵysynan tarihi ádildik ornatýdyń bir joly.
Toqaev bul usynyspen kelispei, elde budan da ózekti máseleler bar ekenine toqtaldy.
"Qazaqstan Respýblikasy degen ataý qala berýi tiis. Halyqaralyq deńgeidegi kóptegen kelisimshartqa bizdiń prezident Qazaqstan Respýblikasynyń atynan qol qoidy. Eldiń ataýyn ózgertýge eshqandai negiz joq. Bizde budan da basqa máseleler jetedi", — dedi palata spikeri jýrnalisterdiń suraǵyna jaýap berip turyp.
Qazaqstan ataýyn ózgertý týraly saýal áli de talqyǵa salynyp keledi. Osy ýaqytqa deiin respýblikanyń ataýyn "Qazaq eli" dep ózgertý usynylǵan bolatyn.
