Foto: Aqorda
Álemdik jáne dástúrli dinder kóshbasshylarynyń VIII sezi alańynda Qasym-Jomart Toqaev Izraildiń bas ashkenaz ravvini Kalman Bermen, Izraildiń bas sefard ravvini David Iosefpen, Amerikanyń iri evrei uiymdary prezidentteri konferentsiiasy atqarýshy tóraǵasynyń orynbasary Malkolm Honlainmen kezdesti, dep habarlaidy Ult.kz.
Memleket basshysynyń aitýynsha, meimandardyń forýmǵa qatysýy elder arasyndaǵy mádeni-rýhani bailanystardy nyǵaitýǵa ázir ekenin kórsetedi.
Prezident elimizdiń halqy álemniń negizgi dinderin ustanatynyn aitty. Olardyń arasynda iýdaizmniń orny erekshe. Al evrei uiymdary qoǵamnyń ajyramas bóligi retinde Qazaqstan halqy Assambleiasyn damytýǵa jáne nyǵaitýǵa zor úles qosyp keledi.
Qasym-Jomart Toqaev ashkenaz jáne sefard ravvinattarynyń kóshbasshylary adamzatqa ortaq qundylyqtardy ilgeriletý jolyndaǵy dinaralyq dialogqa belsendi atsalysa beretinine senim bildirdi.
