Memleket basshysy Qasym-Jomart Toqaev koronavirýstan qaitys bolǵan áieldiń týystaryna kóńil aitty, dep habarlaidy "Ult aqparat".
Óziniń Twitter-degi paraqshasynda jazba qaldyrǵan QR Prezidenti: «64 jastaǵy áieldiń koronavirýstan qaitys bolýy bul indettiń asa qaýipti ári karantindi saqtaý óte mańyzdy ekenin kórsetedi. Týǵan-týystaryna kóńil aitamyn. Elorda men Almatyda karantin sharalaryn kúsheitip, Shymkentte shekteýler engizý jóninde sheshim qabyldandy. Osyndai qajetti shara qoldanýǵa májbúrmiz. Epidemiiany bárimiz birge jeńemiz. Odan sabaq alyp, tiisti qorytyndy jasaimyz», - dep jazdy.
