2019 jyly Prezident tapsyrmalaryn oryndaýǵa baǵyttalǵan zań jobalar paketi Parlament qaraýyna kelip túsedi. Bul týraly 2018 jyldaǵy QR Parlamenti Senatynyń qorytyndy Biýro otyrysynda Palata tóraǵasy Qasym-Jomart Toqaev málim etti, dep habarlaidy "Ult aqparat".
Q. Toqaev aǵymdaǵy jylda atqarylǵan jumystarǵa qorytyndy jasai kele, Senat tarapynan josparly ári mazmundy jumys júrgizilgenin atap ótti. Osy oraida Elbasy reformalaryn júzege asyrýǵa baǵyttalǵan mańyzdy zańdar qabyldandy. Senattyń jalpy otyrystarynda 80 zań jobasy qaralyp, onyń ishinde 72-si qabyldandy, 8-i senatorlar túzetýlerimen Májiliske baǵyttaldy.
Sonymen qatar, ózekti taqyryptar boiynsha 70-ke jýyq mańyzdy shara uiymdastyrylyp, sonyń nátijesinde atqarýshy organdarǵa naqty tapsyrmalar berildi. Úkimetke 100-den astam depýtattyq saýal joldandy.
«Depýtattyq saýaldarǵa kelgen jaýaptardyń kópshiligi depýtattardyń kóńilinen shyqpaǵanyna Úkimettiń nazaryn aýdarǵan bolatynbyz», - dedi Senat tóraǵasy.
Q. Toqaev aldaǵy jyly Prezident tapsyrmalaryn oryndaýǵa baǵyttalǵan zań jobalar paketi Parlament qaraýyna kelip túsetinin jetkizdi.
«Bizge otandyq zańnamany jetildirý túsip, jumys sapasyn jaqsartý kerek. Bul - bizdiń negizgi maqsat», - dedi ol.
