Qazaqstan Prezidenti Qasym-Jomart Toqaev Senattyń eks-depýtaty jáne spikeri Dariǵa Nazarbaevaǵa alǵys aitty, dep habarlaidy "Ult aqparat".
«Dariǵa Nazarbaevaǵa Qazaqstan Respýblikasy Parlamenti Senatynyń Tóraǵasy retinde atqarǵan belsendi jáne jemisti jumysy úshin rizashylyǵymdy bildiremin», - dep jazdy Memleket basshysy Twitter paraqshasynda.
Eske sala keteiik, búgin Memleket basshysynyń jarlyǵymen Dariǵa Nazarbaevanyń Senat depýtaty retindegi ókilettigi toqtaǵan bolatyn.
Dariǵa Nazarbaeva 2016 jyldyń 13 qyrkúieginen bastap Parlament Senatynyń depýtaty boldy. Ótken jyldyń 20 naýryzynda depýtattar ony Joǵary palatynyń spikeri etip sailaǵan edi.
Buǵan deiin, 2015 jyldyń qyrkúiek aiynan bastap Qazaqstan Premer-ministriniń orynbasary qyzmetin atqardy.
2012-2015 jyldary májilis depýtaty, parlamenttiń tómengi palatasynyń vitse-spikeri boldy.
Dariǵa Nazarbaeva – Qazaqstannyń burynǵy Prezidenti Nursultan Nazarbaevtyń úlken qyzy. Ol 1963 jyldyń 7 mamyrynda Qaraǵandy oblysy Temirtaý qalasynda týǵan. Tarih ǵylymdarynyń kandidaty, saiasattaný ǵylymdarynyń doktory. Qazaq, orys, aǵylshyn, italian, nemis tilderin biledi.
