Foto: Aqorda
Aqordada segiz memlekettiń tótenshe jáne ókiletti elshileri men Birikken Ulttar Uiymy ókiliniń Qazaqstan Prezidentine senim gramotalaryn tapsyrý rásimi ótti, dep habarlaidy Ult.kz Aqordanyń baspasóz qyzmetine silteme jasap.
Senim gramotalaryn:
Ýkraina elshisi Viktor Maiko;
BUU-nyń Qazaqstan Respýblikasyndaǵy turaqty ókili Sarangoo Radnaaragchaa;
Úndistan Respýblikasynyń elshisi Ia.K. Sailas Tangal;
Aljir Halyqtyq Demokratiialyq Respýblikasynyń elshisi Osman Mihadji;
Shvetsiia Koroldiginiń elshisi Lars Stefan Eriksson;
Belgiia Koroldiginiń elshisi Erik de Maier;
Ulybritaniia jáne Soltústik Irlandiia Birikken Koroldiginiń elshisi Salli Djein Aksýorsi;
Latviia Respýblikasynyń elshisi Datse Rýtka;
Grýziia Respýblikasynyń elshisi Levan Diasamidze tapsyrdy.
Prezident diplomattarǵa Qazaqstannyń kóp vektorly jáne teńgerimdi syrtqy saiasat júrgizip otyrǵanyn jetkizdi.
Memleket basshysy elimizdiń konstrýktivti dialog pen ózara tiimdi yntymaqtastyqqa ashyq ekenin aityp, jańadan taǵaiyndalǵan elshiler Qazaqstanmen seriktestik bailanystardy nyǵaitý men keńeitý isine belsendi túrde úles qosatynyna senim bildirdi.
Qasym-Jomart Toqaev elshilerdi diplomatiialyq missiialarynyń resmi túrde bastalýymen quttyqtap, olardyń memleketteriniń basshylaryna ystyq yqylasyn joldady.
