Foto: Aqorda
Memleket basshysy Qasym-Jomart Toqaev «Aibyn» halyqaralyq áskeri-patriottyq jastar jiynyna qatysý úshin Aqtóbe oblysyna keldi, dep habarlaidy Ult.kz.
Aqtóbege sapary barysynda Prezident Keńes Odaǵynyń Batyry Áliia Moldaǵulovanyń memorialdyq eskertkish keshenine gúl shoǵyn qoiyp, onyń rýhyna bir minýt únsizdikpen taǵzym etti.
Biyl qazaqtyń qaisar qyzynyń týǵanyna – 100 jyl.
Budan keiin Memleket basshysy eskertkishtiń janynda jergilikti jurtshylyqpen kezdesti.
«Áliia Moldaǵulova – halqymyzdyń qaisar qyzy. Búgin 100 jyldyǵyna orai arnaiy keldim. Bul, eń aldymen, azamattyq boryshym. Taǵzym etý úshin kelip otyrmyn. Barshańyzǵa kóp raqmet. Áliianyń esimin halqymyzdyń arasynda, shetelde keń aýqymda dáripteýimiz kerek. Ol – bizdiń maqtanyshymyz. Sondyqtan onyń esimi bizdiń jadymyzda máńgi saqtalady», – dedi Qasym-Jomart Toqaev.
Sondai-aq Prezident qazirgi almaǵaiyp zamanda birlikti, tatýlyqty saqtaý óte mańyzdy ekenine nazar aýdardy.
