Parlament Senatynyń tóraǵasy Qasym-Jomart Toqaev QR-daǵy AQSh elshisi Djordj Kroldy onyń Qazaqstandaǵy diplomatiialyq missiiasynyń aiaqtalýyna orai qabyldady, dep habarlaidy "Ult aqparat" Senattyń baspasóz qyzmetine silteme jasap.
AQSh elshisiniń ekijaqty qarym-qatynastardy damytýǵa qosqan zor úlesin atap ótken Q.Toqaev Memleket basshysy N.Nazarbaevtyń osy jyldyń qańtar aiynda Vashingtonǵa jasaǵan resmi saparynyń tarihi mańyzdylyǵyn tilge tiek etti.
Toqaev pen Krol parlamentaralyq bailanystardy odan ári damytýdyń mańyzdylyǵy týraly aita kelip, olardy jandandyrý qajettigin atap ótti.
«Senatorlar, kongressmender jáne Amerika Parlamenti apparatynyń qyzmetkerleri Qazaqstanǵa qanshalyqty kóp kelse, AQSh halqy Qazaqstan týraly, elimizdiń ishki jáne syrtqy saiasaty týraly da kóp biletin bolady», - dep málimdedi Q.Toqaev.
Taraptar Qazaqstan men AQSh arasyndaǵy yntymaqtastyq pen áriptestiktiń strategiialyq sipaty Ortalyq Aziia aimaǵyndaǵy qaýipsizdikti nyǵaitý protsesiniń mańyzdy elementi ekenin atap ótti.
