Sýretti Mańǵystaý oblysy Ekologiia departamentiniń baspasóz qyzmeti usynǵan
Kaspii jaǵalaýynda tabylǵan itbalyqtardyń ólekseleri týraly habarlamadan keiin inspektorlar men ekologtar oqiǵa ornyna bardy. Olar tekserý úshin sý men topyraq synamalaryn aldy, - dep habarlaidy Tengrinews.kz agenttigi QR Ekologiia, geologiia jáne tabiǵi resýrstar ministrligi Balyq sharýashylyǵy komitetiniń baspasóz qyzmetine silteme jasap.
Aqtaý turǵyny málimdegen 50 ólekseniń tek 22-si tabylǵan.
"Oqiǵa ornyna Mańǵystaý oblysy Jaiyq-Kaspii oblysaralyq bassein balyq sharýashylyǵy inspektsiiasy Balyq inspektsiiasy basqarmasynyń memlekettik inspektorlary jedel shyqty. Bul derek oblystyń quqyq qorǵaý jáne tabiǵatty qorǵaý qurylymdaryna, prokýratýra, veterinariia organdary men jergilikti atqarýshy organdarǵa habarlandy.
26 sáýirde saǵat 23.00-de bir-birinen alys ornalasqan ártúrli jerden 22 itbalyq óleksesi tabyldy. Inspektsiia qyzmetkerleri oqiǵanyń sebepterin anyqtaý úshin janýarlardyń ólekselerin zerthanada tekserýge bolyp-bolmaitynyn anyqtaidy, óitkeni ólekseler ydyrap ketken", - delingen habarlamada.
Mańǵystaý oblysy Balyq inspektsiiasy basqarmasynyń inspektorlary balyq sharýashylyǵy sýbektileriniń qoryqshylyq qyzmetimen birlesip, janýarlardyń óli tabylý sebepterin jáne basqa da derekterdi anyqtaý maqsatynda Kaspii teńizi jaǵalaýy men basqa da ýchaskelerin tekseredi.
"Zerthanada zertteý júrgizý úshin inspektsiia qyzmetkerleri sý men topyraq synamalaryn, sondai-aq, itbalyqtardyń ólekselerin Mańǵystaý oblysynyń Ekologiia departamenti men veterinarlyq qyzmet qyzmetkerlerine berý úshin jedel túrde iriktep aldy. Olar 27 sáýirde janýarlardyń ólgen jerine barýdy josparlap otyr. Aita keteiik, sharaǵa Mańǵystaý oblysy ákimdiginiń balyq sharýashylyǵy basqarmasynyń ókilderi de qatysady", - dedi komitet ókili.
Sonymen qatar, bul derek týraly QR BǴM Ǵylym komitetiniń Mikrobiologiia jáne virýsologiia institýty zerthanasynyń qyzmetkerleri men Batys Qazaqstan oblysy "Gidrobiologiia jáne ekologiia institýty" qyzmetkerlerine aitylǵan.
Jaǵalaýdy baqylaý jalǵasyp jatyr.
