Otandastarymyz qaýip týdyrmaityn ańǵa jabaiylyqpen jaýap berdi. Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Kaspii teńizinde itbalyqqa tas laqtyrǵan adamdarǵa qatysty pikir bildirdi, dep habarlaidy "Ult aqparat".
«6 shilde kúni Instagram áleýmettik jelisinde demalyp jatqan adamdar Kaspii itbalyǵyna tas laqtyryp jatqany týraly video-storis paida boldy.
Videoda kórinip turǵandai, itbalyq adamdarǵa shabýyl jasaý nietinsiz, qyzyq kórip jaqyndaǵan. Jas ári ushqalaq. Itbalyqtardyń tabiǵatynan ainalaǵa qyzyǵýshylyǵy joǵary jáne olar qaýipti emes. Biraq árbir jyrtqysh janýar ózine shabýyl jasasa agressiia kórsete alady. Ókinishke qarai, otandastarymyz qaýip týdyrmaityn ańǵa jabaiylyqpen jaýap berip, tas laqtyrǵan», - dep jazdy S.Dildahmet Facebook-te.
Komitet ókili azamattardy tabiǵatty aialaýǵa shaqyrdy.
«Ózge elderde delfinder, itbalyqtar, morjdar, tipti akýlalar adamdarǵa jaqyn jerde júredi. Jáne barlyǵy buǵan úirenip alǵan. Dostar! Birlikte ómir súreiik jáne tabiǵatty aialaiyq. Adam bolyńyz!», - dedi ol.
