Atyraý oblysynda Kaspii teńiziniń jaǵalaýyndaǵy qamys órti tikushaqpen sóndirip jatyr, dep habarlaidy QazAqparat.
Budan buryn Kaspii jaǵalaýyndaǵy batpaqta qamys órtenip jatqanyn jazdyq.
Oblystyq tótenshe jaǵdailar departamenti baspasóz qyzmetinen málim etkendei, 5-6 qazanda «Geosat» saity arqyly ǵaryshtan monitoring júrgizý kezinde Qurmanǵazy aýdanynyń aýmaǵynda qamys órtiniń birneshe oshaǵy anyqtalǵan.
«Osy aqparatqa sáikes, 6 qazanda Qurmanǵazy aýdandyq tótenshe jaǵdailar bólimi men Teńiz aýyldyq okrýginiń qyzmetkerleri jerústi barlaýyn júrgizdi. Olar aýdan ortalyǵynan órt oshaǵyna deiin shamamen 50-60 shaqyrym jol júrdi. Kaspii teńiziniń jaǵalaýy batpaqty bailanysty qamys órtin sóndirýge arnalǵan tehnikanyń jetýine múmkindik joq. Ońtústikten batysqa qarai soqqan jeldiń ekpini saldarynan tútin Resei Federatsiiasynyń Astrahan oblysyna taralýda» -dep habarlady departamenttiń baspasóz qyzmeti.
Sondai-aq, Kaspii jaǵalaýyndaǵy qamys órtin sóndirýge tikushaq tartylǵanynhabarlaǵan bolatynbyz.
Keshe, 7 qazanda saǵat 10:30-da «Qazaviaqutqarý» RMK-nyń MI-8 (AMT) tikushaǵy «Mi-8 VSÝ-5» tikushaǵy jiberildi. Tikushaqta órtti sóndirý úshin áýeden sý shashatyn qurylǵy ornatylǵan. Ekipaj quramynda 5 adam bar. Sondai-aq, tótenshe jaǵdailar departamentiniń 24 qyzmetkeri men 3 motosorǵysh jiberilgen.
«Kaspii teńiziniń jaǵalaýyn ainalyp ushý nátijesinde qamys órtiniń eki frontaldy oshaǵy anyqtaldy. Onyń biri Isatai jáne Qurmanǵazy aýdandarynyń shekarasyna taiaý ornalasqan Maqash aýyldyq okrýginiń, ekinshisi Qurmanǵazy aýdanyndaǵy Teńiz aýyldyq okrýginiń aýdanynda ekeni belgili boldy. Kaspii teńiziniń jaǵalaýynda Maqash aýyldyq okrýgine qarai jeke quram desantyn túsirý júrgizildi. Qazir departamenttiń arnaiy qyzmetkerleri órtti sóndirýdi júrgizip jatyr» -dep málim etti departamenttiń baspasóz qyzmetinen.
