27 sáýirde Kaspii teńiziniń Mańǵystaý bóligindegi jaǵalaýynda 94 itbalyq óli tabyldy. Bul týraly QR Ekologiia, geologiia jáne tabiǵi resýrstar ministrliginiń Balyq sharýashylyǵy komiteti málimdedi, - dep habarlaidy Tengrinews.kz.
Balyq sharýashylyǵy komitetiniń Mańǵystaý oblysy boiynsha balyq inspektsiiasy, Mańǵystaý oblysy boiynsha ekologiia departamenti, veterinarlyq qyzmet jáne jergilikti atqarýshy organ ókilderi tekseris júrgizip jatyr.
Zerthanalyq zertteýler júrgizý úshin balyq qorǵaý inspektorlary birneshe itbalyqty, teńiz sýy men topyraqtan synama aldy.
Janýarlardyń ólý sebebin anyqtaý úshin janýarlardyń ushalaryn zerthanalyq tekserýge alý múmkindigin inspektsiia qyzmetkerleri qarastyrýda, óitkeni olardyń deneleri ydyrap jatyr.
"Qazirgi ýaqytta ólgen janýarlardy tazalaý jumystary júrip jatyr. Jaǵalaýdaǵy zertteý jumystary jalǵasady, sý men topyraq saraptamasynyń nátijeleri daiyn bolǵanda tolyq habarlanatyn bolady", - delingen habarlamada.
Balyq sharýashylyǵy komiteti Kaspii teńiziniń qazaqstandyq jaǵalaýynda sońǵy bes jylda eń kóp ólgen itbalyq sany 2017 jyly Mańǵystaý oblysyndaǵy Fort-Shevchenko qalasynyń mańynda tirkelgenin, (247 ólekse) biraq ólim sebebin anyqtaý múmkin bolmaǵanyn eske saldy.
Osyǵan deiingi tekserýler itbalyqtardyń belgili bir bóligi qolaisyz qysqy aýa raiynan jáne ártúrli aýrýlardan, sondai-aq antropogendik faktorlarǵa, sonyń ishinde brakonerlik torlarda ólýi múmkin ekenin kórsetken. Ony qorǵaýdy kúsheitý maqsatynda Qazaqstan Respýblikasy Úkimetiniń 2020 jylǵy 9 qarashadaǵy qaýlysymen Kaspii itbalyǵy sirek kezdesetin jáne joiylyp ketý qaýpi tóngen ósimdikter nemese janýarlar túrleriniń tizbesine engizilgen bolatyn.
