«Taza Kaspii» aktsiiasy aiasynda sý «ańshylary» teńiz astynan 300 keliden astam qoqys shyǵardy, dep habarlaidy QazAqparat.
Bul shara biyl úshinshi ret uiymdastyryldy. Alǵashqy jyly ańshylar teńiz astynan 3 tonnadan artyq qoqys shyǵarǵan edi.
«Kaspii - bizdiń basty bailyǵymyz. Biraq nemquraily qaraityndar kóp. Demalǵan soń adamdar qoqysty ózderimen birge alyp ketýleri kerek. Biz tutynǵannan keiin qalatyn qaldyqtyń 80 paiyzyn qaita óńdeýge bolady. Ol úshin qalanyń birneshe jerinde qabyldaý pýnktteri bar. Tipti sol úshin aqy da beredi. Sondyqtan karton qaǵazdar, plastikterdi pýnktterge tapsyrý kerek», - dedi eko-belsendi Gúlaiym Qibasova.
Sý «ańshylary» qala mańyndaǵy jaǵalaýlar taza ekenin aitady. Al, qala syrtyndaǵy teńiz jaǵalaýlary tazalyqty qajet etedi. Kaspii túbin tazalaý jumystary jergilikti eriktiler tarapynan da jii uiymdastyrylyp turady.
