© Photo : KTK
Kaspii qubyr konsortsiýmy (KQK) 19 aqpanda qolaisyz aýa raiyna bailanysty Qara teńizdegi terminaldan munai jóneltýdi toqtatty, dep habarlaidy Sputnik Qazaqstan.
"On toǵyzynshy aqpanda KQK teńiz terminalynda aýa raiyna bailanysty munai jóneltý toqtatyldy. Óitkeni qatty daýyl soǵyp, tolqyn bolǵan. Osy ýaqytqa deiin Novorossiisk portynyń kapitany daýyl shekteýin alǵan joq, boljam jaǵymsyz", - delingen KQK habarlamasynda.
"KQK teńiz terminalyndaǵy KQK rezervýarlyq parki toltyrylǵan (shamamen 1 million tonna munai bar)", - dep tolyqtyrdy konsortsiým.
KQK qubyry Qazaqstannyń batysyndaǵy munai ken oryndaryn jáne Kaspii qairańyndaǵy Resei ken oryndaryn Novorossiiskidegi teńiz terminalymen bailanystyrady. Onyń uzyndyǵy - 1 511 km. Júie qazaqstandyq munaidyń negizgi eksporttyq baǵyty bolyp sanalady.
KQK aktsionerleri reseilik "Transneftten" ózge, Qazaqstan ("QazMunaiGaz" - 19% jáne Kazakhstan Pipeline Ventures LLC - 1,75%) - 20,75%, Chevron Caspian Pipeline Consortium Company - 15%, LUKARCO B.V. - 12,5%, Mobil Caspian Pipeline Company - 7,5%, Rosneft-Shell Caspian Ventures Limited - 7,5%, BG Overseas Holding Limited - 2%, Eni International N.A. N.V. - 2% i Oryx Caspian Pipeline LLC - 1,75%.
