Qazaqstandyq bankterdiń mobildik qosymshalarynda tsifrlyq qujattar paida boldy. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi, - dep habarlaidy Tengrinews.kz.
"Byltyrǵy jyldyń aiaǵynan beri "UAT" AQ, Kaspi jáne Halyk mamandarymen birge Tsifrlyq qujattardy mobildi qosymshalarǵa shyǵarý boiynsha jumys atqaryp jatyrmyz. Búgin osy múmkindik resmi túrde iske qosylady",- dep jazdy Baǵdat Mýsin Facebook-te.
Ministr qazir 10 million qazaqstandyq turaqty túrde tsifrlyq qujattar servisin qoldanatynyn aitty.
"Bul óte yńǵaily, ózińmen birge qujattyń túpnusqasyn alyp júrý qajet emes. Búginnen bastap servis Kaspi.kz jáne Halyk Homebank qosymshalarynda qoljetimdi. Sebebi halyq memlekettik qyzmetterge bizdiń ǵana emes, ózderine yńǵaily, kúndelikti qoldanatyn arnalary arqyly qol jetkizgenin qalaimyz", - dedi ol.
