Foto: ©REUTERS
Kaspi bank Túrkiiada zilzaladan zardap shekkenderge kómek aýdaratyn shot ashty, dep habarlaidy QazAqparat agenttigi Bankke silteme jasap.
«Apattan zardap shekken túrkiialyqtarǵa kómekti Kaspi.kz qosymshasy arqyly aýdara alady. Ol úshin tómendegi shottardy tańdaý kerek: Tólemder – Qaiyrymdylyq - Ulttyq volonterlik jeli Túrkiiadaǵy jer silkinisinen zardap shekkenderge gýmanitarlyq kómek. Ekinshi joly: Tólemder – Qaiyrymdylyq – Túrkiia Halqyna Járdem qarajat Túrkiiadaǵy AFAD qoryna jiberiledi. Bul eki esep-shot ta óte senimdi», - delingen banktiń habarlamasynda.
Birinshisi, «UVJ» ZTB jumysyn QR Aqparat jáne qoǵamdyq damý ministrligi úilestirip otyr. Kaspi.kz arqyly kómek aýdarý da ministrliktiń tikelei usynysymen búgin shuǵyl ashylǵan.
Ekinshi, shot Qazaqstandaǵy Túrkiia elshiliginiń usynysymen «Járdem naýqany» aiasynda búgin shuǵyl iske qosyldy.
«Kómek aýdarymyn jasaý óte ońai. Kaspi.kz – Qaiyrymdylyq - joǵarydaǵy eki qordyń birin tańdap, 100 teńgeden bastap kez kelgen kólemdegi qarajatty aýdara alasyz. Kómek qarjy túgelimen, komissiiasyz sanaýly sekýndta uiym shotyna túsedi», - dep tolyqtyryldy habarlama.
Aita keteiik, Túrkiiadaǵy jer silkinisinen qaza bolǵandar sany 12,3 myńnan asty, 62 914 adam jaraqat aldy. Halyqty ornalastyrý úshin 70 818 shatyr tigilgen.
