Mańǵystaý oblysynda áskeri oqý-jattyǵý kezinde áskeri qyzmetshilerdiń qaza bolýyna bailanysty qylmystyq is eki bap boiynsha tergelip jatyr, dep habarlaidy ult.kz.
IIM málimetinshe, is Qylmystyq kodekstiń 453-baby 2-bóligi («Aýyr zardaptarǵa ákep soqqan qyzmetke salǵyrt qaraý») jáne 465-baby («Keme júrgizý qaǵidalaryn buzý») boiynsha qozǵalǵan.
Tergeý aiasynda vedomstvoaralyq jedel-tergeý toby qurylyp, qajetti saraptamalar taǵaiyndaldy. Oqiǵanyń barlyq mán-jaiy anyqtalyp jatyr.
Premer-Ministrdiń orynbasary Qanat Bozymbaev kináli tulǵalarǵa qatysty tiisti shara qabyldaýdy tapsyrdy. Sondai-aq qaza bolǵan áskeri qyzmetshilerdiń otbasylaryna memleket tarapynan áleýmettik jáne materialdyq kómek kórsetiletini aityldy.
Eske salaiyq, Kaspiidegi áskeri oqý-jattyǵý kezinde 12 áskeri qyzmetshi qaza tapqan. Oqiǵadan keiin Qazaqstanda 25 qyrkúiek jalpyulttyq aza tutý kúni dep jariialandy.
Úkimettik komissiianyń jumysy jalǵasyp jatyr.
