Foto: Sergei Rýsanov © URA.RU
Astanadaǵy Kaspi bank filialynda adamdardy kepilge alý isi boiynsha kúdikti qamaýǵa alyndy, - dep habarlaidy "Ult aqparat"
"2023 jylǵy 20 maýsymda Astana qalasynyń mamandandyrylǵan aýdanaralyq tergeý soty kúdikti Álihan Mýradovqa qatysty eki ai merzimge qamaýǵa alý túrindegi bultartpaý sharasyn sanktsiialady", - delingen Astana qalalyq sotynyń habarlamasynda.
Eske salaiyq, 18 maýsymda Astanadaǵy " Kaspi bank" filialyn belgisiz bireý basyp aldy. Tapanshaǵa uqsas zat ustaǵan er adam 7 adamdy kepilge alyp, birneshe talap qoiǵan. Kúdiktimen kelissóz júrgizýge IIM basshysy Marat Ahmetjanovtyń ózi keldi.
Keiin quqyq qorǵaý organdarynyń qyzmetkerleri bólimshedegi adamdardy bosatty. Kúdikti de sol arada qolǵa tústi.
Prokýratýranyń aqparatynsha, 30 jastaǵy Álihat Muradov 2013 jyldan beri esirtkige táýeldi adamdar esebinde tur. Jambyl oblysynyń týmasy bankten kredit te alǵan. Eki ret qylmystyq is boiynsha kúdikti bolyp tanylǵan.
Bul fakti Qylmystyq kodekstiń 261-baby (Adamdy kepilge alý) boiynsha tergelip jatyr.
