فوتو: سەرگەي رۋسانوۆ © URA.RU
استاناداعى Kaspi بانك فيليالىندا ادامداردى كەپٸلگە الۋ ٸسٸ بويىنشا كٷدٸكتٸ قاماۋعا الىندى, - دەپ حابارلايدى "ۇلت اقپارات"
"2023 جىلعى 20 ماۋسىمدا استانا قالاسىنىڭ مامانداندىرىلعان اۋدانارالىق تەرگەۋ سوتى كٷدٸكتٸ ەليحان مۋرادوۆقا قاتىستى ەكٸ اي مەرزٸمگە قاماۋعا الۋ تٷرٸندەگٸ بۇلتارتپاۋ شاراسىن سانكتسييالادى", - دەلٸنگەن استانا قالالىق سوتىنىڭ حابارلاماسىندا.
ەسكە سالايىق, 18 ماۋسىمدا استاناداعى " Kaspi بانك" فيليالىن بەلگٸسٸز بٸرەۋ باسىپ الدى. تاپانشاعا ۇقساس زات ۇستاعان ەر ادام 7 ادامدى كەپٸلگە الىپ, بٸرنەشە تالاپ قويعان. كٷدٸكتٸمەن كەلٸسسٶز جٷرگٸزۋگە ٸٸم باسشىسى مارات احمەتجانوۆتىڭ ٶزٸ كەلدٸ.
كەيٸن قۇقىق قورعاۋ ورگاندارىنىڭ قىزمەتكەرلەرٸ بٶلٸمشەدەگٸ ادامداردى بوساتتى. كٷدٸكتٸ دە سول ارادا قولعا تٷستٸ.
پروكۋراتۋرانىڭ اقپاراتىنشا, 30 جاستاعى ەليحات مۇرادوۆ 2013 جىلدان بەرٸ ەسٸرتكٸگە تەۋەلدٸ ادامدار ەسەبٸندە تۇر. جامبىل وبلىسىنىڭ تۋماسى بانكتەن كرەديت تە العان. ەكٸ رەت قىلمىستىق ٸس بويىنشا كٷدٸكتٸ بولىپ تانىلعان.
بۇل فاكتٸ قىلمىستىق كودەكستٸڭ 261-بابى (ادامدى كەپٸلگە الۋ) بويىنشا تەرگەلٸپ جاتىر.
