Qasqyr talaǵan 29 jastaǵy kelinshek Jangeldin aýdandyq ortalyqtandyrylǵan aýrýhanasyna jatqyzyldy, dep habarlaidy "Ult aqparat" oblystyq densaýlyq saqtaý basqarmasynyń baspasóz hatshysy Kseniia Jilkibaevaǵa silteme jasap.
«Qazir ol aýdandyq aýrýhana dárigerleriniń qaraýynda. Jaǵdaiy birqalypty. Hirýrgtyń tekserýinen ótti, hirýrgiialyq kómek qajet etpeidi. Qasqyr qaryn tusynan tistegen. Emdelýshige antirabikalyq vaktsina salyndy. Vaktsina janýarlardyń tisteýinen zardap shekken tulǵalarǵa qutyrýǵa qarsy paidalanylady», - deidi Kseniia Jilkibaeva.
Buǵan deiin habarlaǵanymyzdai, oqiǵa Jankeldin aýdanynyń Aqkól aýyly mańyndaǵy malshy qystaǵynda bolǵan.
Túz taǵysynyń kelinshekti qutqarýǵa kelgen kúieýine de shabýyl jasaǵany belgili boldy. Er adam at ústinde bolǵan.
