قاسقىر تالاعان 29 جاستاعى كەلٸنشەك جانگەلدين اۋداندىق ورتالىقتاندىرىلعان اۋرۋحاناسىنا جاتقىزىلدى, دەپ حابارلايدى "ۇلت اقپارات" وبلىستىق دەنساۋلىق ساقتاۋ باسقارماسىنىڭ باسپاسٶز حاتشىسى كسەنييا جيلكيباەۆاعا سٸلتەمە جاساپ.
«قازٸر ول اۋداندىق اۋرۋحانا دەرٸگەرلەرٸنٸڭ قاراۋىندا. جاعدايى بٸرقالىپتى. حيرۋرگتىڭ تەكسەرۋٸنەن ٶتتٸ, حيرۋرگييالىق كٶمەك قاجەت ەتپەيدٸ. قاسقىر قارىن تۇسىنان تٸستەگەن. ەمدەلۋشٸگە انتيرابيكالىق ۆاكتسينا سالىندى. ۆاكتسينا جانۋارلاردىڭ تٸستەۋٸنەن زارداپ شەككەن تۇلعالارعا قۇتىرۋعا قارسى پايدالانىلادى», - دەيدٸ كسەنييا جيلكيباەۆا.
بۇعان دەيٸن حابارلاعانىمىزداي, وقيعا جانكەلدين اۋدانىنىڭ اقكٶل اۋىلى ماڭىنداعى مالشى قىستاعىندا بولعان.
تٷز تاعىسىنىڭ كەلٸنشەكتٸ قۇتقارۋعا كەلگەن كٷيەۋٸنە دە شابۋىل جاساعانى بەلگٸلٸ بولدى. ەر ادام ات ٷستٸندە بولعان.
