"VIP-ruqsat qaǵazben" kólik júrgizgen Qaskeleń turǵyny tóńireginde daý týyndady. Jelide tarap jatqan videoda "mektep muǵalimi" bolyp jumys isteitin jas qyzdyń jol erejesin buzǵany jáne zańsyz kásipkerlikpen ainalysqany aitylady.
Polisia.kz Telegram-arnasynyń habarlaýynsha, Ishki ister organdary Almaty oblysy turǵynynyń jol erejelerin buzǵany kórsetilgen Internet jelisindegi videony teksergen.
Ol jol erejesin buzǵany úshin Ákimshilik quqyqbuzýshylyq týraly kodekstiń myna baptary boiynsha ákimshilik jaýapkershilikke tartylǵan:
- 597-baptyń 4-bóligi (Múmkindigi shekteýli jandarǵa arnalǵan jerde toqtap turý);
- 599-baptyń 1-bóligi (Baǵdarshamnyń tyiym salynǵan signalyna ótý);
- 590-baptyń 2-bóligi (Memlekettik tirkeý nómirinsiz avtokólik quralyn basqarý).
halyq-uni.kz portalynyń jazýynsha, aqparatqa qatysty Almaty oblysynyń ákimdigi de pikir bildirgen. Boijetkenniń óńirdegi oqý mekemelerine esh qatysy joq ekeni belgili boldy.
"Arnaiy baza boiynsha tekserip kórdik. Ol bizdiń óńirdegi oqý oryndarynda jumys istemeitinin jáne tizimde joq ekenin naqty aitýǵa bolady", - deidi Almaty oblys ákiminiń baspasóz hatshysy Ǵalymurat Júkel.
