Almaty oblysynyń Qaskeleń qalasynda kópqabatty turǵyn úide jarylys boldy, zardap shekkender bar, – dep habarlaidy «Ult aqparat».
Oblystyq TJD baspasóz hatshysy Azamat Jurtbaevtyń aitýynsha, kópqabatty turǵyn úidiń eń ústińgi qabatyndaǵy páterde gaz aýa qospasy jarylyp, japsarlas turǵan birneshe páterge nuqsan kelgen.
«Gaz aýa qospasy jarylǵan. Biraq ary qarai órt bolmady. Oqys oqiǵadan zardap shekkender bar. Basqa aqparat anyqtalyp jatyr» dedi baspasóz qyzmetinen.
QR IIM Tótenshe jaǵdailar komitetiniń málimetinshe, Tóle bi kóshesi boiyndaǵy kópqabatty turǵyn úidiń eń ústińgi qabatyndaǵy páterde gaz-aýa qospasy jarylyp, qabyrǵalas turǵan birneshe páterge nuqsan kelgen.
«7 adam, sonyń ishinde 3 bala túrli jaraqat aldy. Barlyq zardap shekkender aýrýhanaǵa jetkizildi. 2009 jyly dúniege kelgen bala oqiǵa ornynda kóz jumdy. Atalǵan úidiń turǵyndaryn órtke qarsy qyzmet qaýipsiz jerge kóshirip, Qaskeleń ákimdigi ýaqytsha turý ornyn uiymdastyrdy. Jarylys sebebi anyqtalyp jatyr» dedi vedomstvodan.
