الماتى وبلىسىنىڭ قاسكەلەڭ قالاسىندا كٶپقاباتتى تۇرعىن ٷيدە جارىلىس بولدى, زارداپ شەككەندەر بار, – دەپ حابارلايدى «ۇلت اقپارات».
وبلىستىق تجد باسپاسٶز حاتشىسى ازامات جۇرتباەۆتىڭ ايتۋىنشا, كٶپقاباتتى تۇرعىن ٷيدٸڭ ەڭ ٷستٸڭگٸ قاباتىنداعى پەتەردە گاز اۋا قوسپاسى جارىلىپ, جاپسارلاس تۇرعان بٸرنەشە پەتەرگە نۇقسان كەلگەن.
«گاز اۋا قوسپاسى جارىلعان. بٸراق ارى قاراي ٶرت بولمادى. وقىس وقيعادان زارداپ شەككەندەر بار. باسقا اقپارات انىقتالىپ جاتىر» دەدٸ باسپاسٶز قىزمەتٸنەن.
قر ٸٸم تٶتەنشە جاعدايلار كوميتەتٸنٸڭ مەلٸمەتٸنشە, تٶلە بي كٶشەسٸ بويىنداعى كٶپقاباتتى تۇرعىن ٷيدٸڭ ەڭ ٷستٸڭگٸ قاباتىنداعى پەتەردە گاز-اۋا قوسپاسى جارىلىپ, قابىرعالاس تۇرعان بٸرنەشە پەتەرگە نۇقسان كەلگەن.
«7 ادام, سونىڭ ٸشٸندە 3 بالا تٷرلٸ جاراقات الدى. بارلىق زارداپ شەككەندەر اۋرۋحاناعا جەتكٸزٸلدٸ. 2009 جىلى دٷنيەگە كەلگەن بالا وقيعا ورنىندا كٶز جۇمدى. اتالعان ٷيدٸڭ تۇرعىندارىن ٶرتكە قارسى قىزمەت قاۋٸپسٸز جەرگە كٶشٸرٸپ, قاسكەلەڭ ەكٸمدٸگٸ ۋاقىتشا تۇرۋ ورنىن ۇيىمداستىردى. جارىلىس سەبەبٸ انىقتالىپ جاتىر» دەدٸ ۆەدومستۆودان.
