Qaskeleń perzenthanasynyń qyzmetkerleri jańa týǵan sábilerdi satyp kelgen.
Almaty oblystyq IID baspasóz qyzmetiniń basshysy Sergei Neznaev habarlaǵandai, IID Uiymdasqan qylmyspen kúres basqarmasynyń jáne Qarasai aýdany politsiiasynyń qyzmetkerleri júrgizgen arnaiy operatsiia nátijesinde, jańa týǵan nárestelerdi satýdy uiymdastyryp júrgen top quryqtalǵan dep habarlaidy «Almaty» telearnasy.
«Atalmysh is QR QK 135-babynyń 2-tarmaǵy – «Kámelettik jasqa tolmaǵan adamdy satyp alý-satý» boiynsha sotqa deiingi tergep-tekserýdiń birińǵai tiziliminde tirkelgen. Ustalǵan azamattarǵa qatysty bultartpaý sharalaryn qoldaný máselesi sheshilip jatyr. Kúdikti tulǵalar retinde meditsina qyzmetkerleriniń aty-jóni atalýda. Tergeýdiń qupiia júrgizilýine bailanysty ózge aqparat jariia etilmeidi», – dedi ol.
