Qaskeleń juqpaly aýrýlar aýrýhanasynda túsirilgen kadrlar eldi shoshytty, dep habarlaidy "Ult aqparat" EL.kz aqparat agenttigine silteme jasap.
Beinejazba avtory mekemeniń qorqynyshty filmniń úzindisi siiaqty ekenin aitady.
"Qarasai aýdanyndaǵy juqpaly aýrýlar aýrýhanasy... Qyzylsha juqtyrǵan balalardyń qandai jaǵdaida jatqanyn qarańyzdarshy. 80 adamǵa bir dárethana men bir rakovina...", - delingen video sipattamasynda.
Qarasai aýdanynyń turǵyndary mekemeniń neshe jyldan beri jóndeý kórmegenin aitady. Aýrýhana ákimshiligi juqpaly aýrýlar aýrýhanasyn kúrdeli jóndeýge arnalǵan jobalaý-smetalyq qujattama ázirlenip jatyr deidi.
"Eski korpýs jóndeý jumystaryn júrgizý úshin bosatyldy. Juqpaly aýrýǵa shaldyqqan naýqastar sanynyń ósýine bailanysty olar osy úi-jailardy ýaqytsha paidalanýǵa májbúr boldy", - dep habarlady ákimshilik.
Jaǵdai turaqtalǵannan keiin patsientter basqa bólimshelerge ornalastyrylǵan.
